Hallo schön dass du uf üsi neui Dating- uh Kennelehr-WebApp AareDate gstosse bisch!
Mir wei dir hiä ä Ort biete, wo de jederzit neui Fründe, neui Dates und villich ou dini grossi Liebi chasch finde u z beste: Das aues ohni versteckti choste!

Generell giut

• ● Verhaute uf AareDate

  Aaredate söu e sichere Platz sie für aui Lüüt, wo sich hie agmäudet hei. Das heisst: Belästigunge, Drohige oder söschtiges inkorrekts Verhaute wird hie nid toleriert! We dir säuber dervo betroffe sit, bitte mäud üs das sofort. Du chasch üss über Mäudigsbutton ufem Profiu vom Störefrid / Störefridin diä Person gad direkt mäude und de luege mir witer.

• ● Fakeprofiu

  Mir wei AareDate so guet wie möglich frei haute vo Fakeprofiu. Deshaub si mir ou täglech am luege wär sich registriert uh bi verdächtge Profiu frage mr via Chat nache, das sie sech bitte no verifiziere.
  
  Bi Frage oder unsicherheite, chöit dir nech jederzit bim Profiu "Anna" oder "AareDate" mäude, u de luege mr mit euch was eues ahlige isch. Bitte achtet druf, dass nur die obegnannte Moderatore, näbst em Admin Swissmakers berächtigt si, euch um e Verifikation z'bitte. Des witere, wärde mir euch ou niä nach persönliche Informatione wie dim Passwort usw frage. Faus sich öber angers aus Admin oder Moderator usgid, bitte mäuded ou das umgehend.

• ● Glichberächtigung

  Uf AareDate wärde aui Mönsche glich behandlet. Mr tüe keni höhere Chöste für Männer berächne, (bi üss isch eh aues gratis) und gäbed üs Müeh, d'Siete für aui Mönsche möglichst asprächend z'gstaute. Mäud die doch bi üs, we du no Verbesserigsvorschläg hesch, mir hei für aui uh jedi Idee äs Ohr offe.

Me zu Aaredate

• ● Kantonsbasiert oder Schwizwiit

  AareDate söu Lüüt mit gliche Inträsse zämebringe und e entspannti Ungerhaltig oder es Träffe innerhaub vor ganze Schwiz ermügleche. Mir unterstütze sit neustem ou ä Kantonsbasierti Ahsicht, wo du, z.B. wede vo Luzärn bisch ou nur d Lütt vo Luzärn chasch ja ahzeige. (Oder ou aui, vo aune Kantön je nach dire Wahl). Witer chasch i dim Profiu ou dini Inträsse ahgäh oder när ou nachem spichere uf eis klicke - de gsehsch sofort, wer ds Inträsse mit dr teilt.

• ● Benachrichtigunge vo Aaredate

  Mir finge, dass mä ir hütige Ziit überau vo Nachrichte uh Push Mäudige richtig überschwemmt wird. Deshaub hesch du uf Aaredate jederziit die voui kontrolle über dini Benachrichtigunge und chasch se ou jederzit ih dine Account Ihstellige teilwis oder gad komplett abschaute.

• ● Wie finanziere mir üs?

  Mir si es drüer Gspann usemne Bärner Cyber Security Engineer (Michu), emne Javascript / SQL Engineer (Fabian) und ere Wirtschaftsinformatikerin (Anna) us Luzärn. Zäme hei mir üs entschide, AareDate aus üses Sommer-Projektli zersch nur für Bärn und jetz natürlech ou für die ganzi Schwiz z entwickle und so weimer üsi Lüt wider chli meh zämezbringe und das komplett GRATIS.
  
  Finanziere düemer AareDate vouständig usem eigete Sack. Das weimer nachem aktuelle Stand ou zuekünftig so biphaute, respektive simer dr Meinig, dass  Dating nüt sött choste. Witer gits bis hüt eifach no gaar niene eh moderni uh würk gratis Plattform u  scho gar nid für d Schwiz. Derum heimer üs auso hinger Aaredate gmacht. Stand hüt simer bereits sehr z'fride mitem Resultat, sis aber no loufend ih üsere Freiziit am witerentwickle. Mir hoffe mir cheu euch aune so eh Freud mache und drücke euch natürlech o d'Tüme für eues persönleche Glück.
  

  ● Wärbig für AareDate

  Wede chli wosch wärbe, (Was ou i dim Interässe cha si) hesch hiä üsi gratis Chläbervorlag, wode bi dim Gstauter dire wahl chasch bsteue oder auternativ z A4 Plakat zum säuber, dehei usdrucke:

Dr offizieu Aaredate Chläber:
Üsi Wärbeplakat zum dehei säuber Drucke:
Mir hei scho paar ahfrage becho fürne Instagram Vorlag. Ds wär emau so dr erst Versuech:

Mir empfähle euch generell immer zersch z frage, ob dr diä besagte Chläberli oder Plakat ou würk dörft a euem Platz wo dr nech vorstelled ufhänke. Ansonste wünsche mr dir no äs schöns Tägli uh natürlech vieu Spass/Erfoug uf üsere Site!

Liebs Grüessli
AareDate Team

Impressum:

AareDate ist ein Projekt der Swissmakers GmbH.

Swissmakers GmbH
Postfach 425
3322 Urtenen-Schönbühl

info@swissmakers.io